منتدى تعليمى


    الشاعر أحمد فؤاد نجم ( البحر بيضحك ليه )

    شاطر

    سماح

    عدد المساهمات : 37
    تاريخ التسجيل : 07/10/2011

    الشاعر أحمد فؤاد نجم ( البحر بيضحك ليه )

    مُساهمة  سماح في الإثنين أكتوبر 24, 2011 11:54 am

    البحر بيضحك ليه



    البحر بيضحك ليه

    وانا نازله ادلع املا القلل



    البحر غضبان ما بيضحكش

    أصل الحكاية ما تضحكش

    البحر جرحه ما بيدبلش

    وجرحنا ولا عمره دبل



    مساكين بنضحك من البلوة

    زي الديوك و الروح حلوة

    سارقاها من السكين حموة

    و لسة جوا القلب أمل

    قللنا فخارها إناوي

    بتقول حكاوي و غناوي

    يا قلة الذل أنا ناوي

    ما شرب و لو في المية عسل



    والبحر بيضحك ليه … ليه

    وانا نازلة ادلع املا القلل



    ياما ملينا وملينا

    لغيرنا وعطشنا ساقينا

    صابرين وبحر ما يروينا

    شايلين بدال العلة علل



    والبحر بيضحك ليه … ليه

    وانا نازلة ادلع املا القلل



    في بالي ياما وعلى بالي

    واللي بيعشق ما يبالي

    ما يهمنيش من عزالي

    يا حلوة لو مرسالي وصل



    والبحر بيضحك ليه ليه

    وانا نازلة ادلع املا القلل



    بيني وبينك سور ورا سور

    وانا لا مارد ولا عصفور

    في إيدي عود قوال وجسور

    وصبحت انا في العشق مثل



    والبحر بيضحك ليه

    وانا نازله ادلع املا القلل
    avatar
    أ / محمد محمود محمد
    Admin

    عدد المساهمات : 134
    تاريخ التسجيل : 17/03/2011

    البحر بيضجك على حالى

    مُساهمة  أ / محمد محمود محمد في الثلاثاء أكتوبر 25, 2011 8:18 am

    البحر بيضحك وانا مالى
    مش عارف ايه اللى جرالى
    يا نغمة هادية فى موالى
    البحر بيضحك على حالى


      الوقت/التاريخ الآن هو الخميس نوفمبر 23, 2017 1:25 pm