منتدى تعليمى


    قصيدة الحدود للشاعر سيد حجاب

    شاطر

    سماح

    عدد المساهمات : 37
    تاريخ التسجيل : 07/10/2011

    قصيدة الحدود للشاعر سيد حجاب

    مُساهمة  سماح في الإثنين أكتوبر 24, 2011 11:22 am

    الحدود
    للشاعر المصرى
    سيد حجاب


    وإحنا فايتين ع الحدود

    مستمرين فى الصعود

    اختفى النيل الجميل من تحتنا

    والمدن .. والريف

    وأول عمرنا

    وابتدا شىء ينجرح جوة الوجود

    وابتدينا أسئلة مالهاش ردود ..

    ميلنا ع الشباك نخبى

    دمعة فرت مننا ..

    بصة من الشباك على البحر البعيد

    واحنا رايحين بالامال عالم جديد

    كنت فاكرة يامصر انى تعبت منك

    واكتشفت انى محال استغنى عنك

    حتى دوشة صوت جيرانى

    والزحام وحشونى تانى

    بسمة حلوة لطفلة لسة صغيرة

    لما كنت اديها حتة سكرة

    قبل مانسيبك وحشتينا

    يامصر ياأمنا ..


    كنت بتذكر وانا فى غاية الاسى

    لعبنا الكورة فى حوش المدرسة

    والشقاوة واحنا لسة صغيرين

    والبراءة والصحاب الطيبين

    لما سألتنى اللى جنبى

    انت مصرى ؟؟ دق قلبى

    اسمى زى السحر رفرف ع المكان

    زى نسمة مهفهفة بصوت الادان

    أيوة مصريين لآخر كل نقطة فى دمنا

    أيوة مصريين لاخر كل نقطة فى دمنا

    الوجوه من تلج وعيون من ازاز

    شوقى زاد للعشرة والناس العزاز

    وابتديت اكتب وانا فوق السحاب

    ابتديت ياحبيبى فى اول جواب

    مصر انتى حتة منى

    مش مجرد اسم وطنى

    قالوا فاضل نص ساعة ع الوصول

    قلت ايه معنى الساعات والا الفصول

    الا فى الارض اللى فيها ذكرياتنا وحبنا

    الا فى الارض اللى فيها ذكرياتنا وحبنا

    avatar
    أ / محمد محمود محمد
    Admin

    عدد المساهمات : 134
    تاريخ التسجيل : 17/03/2011

    تحيا مصر امنا

    مُساهمة  أ / محمد محمود محمد في الثلاثاء أكتوبر 25, 2011 8:28 am


      الوقت/التاريخ الآن هو الخميس نوفمبر 23, 2017 1:26 pm